१७ मंसिर २०८० , आइतवार

नेपाल क्यान्सर अस्पतालमा रेडिएसन सेवा सुरु भएको ७ बर्ष पुरा

हेल्थ टिभी अनलाइन \काठमाडौं : नेपाल क्यान्सर अस्पताल तथा रिसर्च सेन्टरले रेडिएसन सेवा सुरु गरेको ७ बर्ष पुरा गरेको छ।

यही अवसरमा अस्पतालको रेडिएसन अंकोलोजी विभागले विशेष कार्यक्रमको आयोजना गरेको छ । क्यान्सर रोगको उपचारको महत्वपूर्ण विधिमध्ये रेडिएसन थेरापी पनि एक हो। रोगको स्टेज र प्रकृति हेरेर रेडिएसन चाहिने नचाहिने चिकित्सकले निर्णय गर्ने गर्छन ।

अस्पतालले यो ७ वर्षमा ५ हजार ५ सय नयाँ बिरामीलाई रेडिएसन थेरापी दिन सकिएको जनाएको छ । अस्पतालको रेडिएसन अंकोलोजी विभागका प्रमुख डा गिसुप निख प्रसिकोले आफूहरुले विश्वमै उत्कृष्ट मानिएको रेडिएसन मेशिन मार्फत बिरामीलाई सेवा दिन सफल भएको जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।