२४ अशोज २०८० , बुधबार

तलब खुवाउन नसकेर वीरमा कार्यरत कर्मचारी हटायौं : स्वास्थ्यमन्त्री बस्नेत

हेल्थ टिभी अनलाइन\ काठमाडौं : स्वास्थ्य तथा जनसंख्यामन्त्री मोहन बहादुर बस्नेतले वीर अस्पतालमा कार्यरत करारका कर्मचारीलाई तलब खुवाउन नसकेपछि हटाउन बाध्य भएको बताएका छन् ।

बस्नेतले मंगलबार काठमाडौंमा आयोजित एक कार्यक्रममा बोल्दै कोरोनाका बेला कोरोनाका बिरामीको सेवाका लागि नियुक्त गरिएका कर्मचारीहरुलाई तलब दिन नसकेपछि अहिले आएर हटाउन बाध्य भएको बताएका हुन् ।

केही दिन अघि स्वास्थ्य तथा जनसंख्या मन्त्रालयले वीर अस्पतालमा कार्यरत २७६ जना करारका कर्मचारीलाई स्वास्थ्यमन्त्री बस्नेतको निर्देशन अनुसार एकैपटक सेवाबाट हटाएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।