२५ भदौ २०८० , सोमवार

औषधि व्यवस्था विभागद्धारा सेवाग्राही सहायता कक्ष सञ्चालनमा

हेल्थ टिभी अनलाइन \काठमाडौं : औषधि व्यवस्था विभागले सेवाग्राहीको सजिलोका लागि भन्दै सेवाग्राही सहायता कक्ष सञ्चालनमा ल्याएको छ ।

विभागमा विभिन्न काम लिएर आउने सेवाग्राहीका लागि औषधि पसल दर्ता, नविकरण लयागतका सेवा सहज रुपमा उपलब्ध गराउन सकियोस भनेर आइतबार देखि सहायता कक्ष हेल्प डेस्क सञ्चालनमा ल्याइएको हो ।

विभागमा विचौलियाका कारण सेवाग्राहीले सास्ती भोग्न परेको गुनासो आएपछि निशुल्क सहायता कक्ष सञ्चालनमा ल्याइएको विभागका महानिर्देशक नारायण ढकालले जनाएका छन् । उक्त हेल्प डेस्कमा कम्प्युटरसहित दुई जना कर्मचारी रहनेछन् जसले सेवाग्राहीको कामलाई सहज गरिदिनेछन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।