२१ भदौ २०८० , बिहिबार

भदौ २७ देखि पाठेघरको मुखको क्यान्सर विरुद्धको खोप दिइँदै

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले पाठेघरको मुखको क्यान्सरविरूद्धको खोप ‘एचपीभी खोप’ भदौ २७ गतेदेखि लगाउन सुरु गर्ने भएको छ ।

स्वास्थ्य तथा जनसंख्या मन्त्री मोहनबहादुर बस्नेतले एचपीभी खोप सातै प्रदेशका सात सरकारी अस्पतालबाट लगाउने बताएका छन्। उनले यस खोपको शुभारम्भ भने काठमाडौंको परोपकार प्रसूति तथा रोग अस्पतालबाट गर्ने तयारी भइरहेको जानकारी दिए।

गत असारमा सरकारले चीनबाट २० हजार मात्रा पाठेघरको मुखको क्यान्सरविरूद्धको एचपीभी खोप खरिद गरेर ल्याएको थियो।

‘ह्युमन प्यापिलोमा भाइरस’को कारणले पाठेघरको मुखमा क्यान्सर हुने गर्दछ। यो क्यान्सर समयमै खोप लगाएर बच्न सकिने क्यान्सर हो । १० देखि १४ वर्ष उमेर समूहका किशोरीहरुलाई यो खोप बढी प्रभावकारी हुने बताइन्छ । यसको दुई मात्रा लगाउनुपर्छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।