‘डेंगुबाट जोगिने एउटै उपाय लामखुट्टेको टोकाइबाट बच्नु हो’
हेल्थ टिभी अनलाइन \काठमाडौं : डेंगु संक्रमणबाट जोगिने एउटै मात्र उपाय भनेको लामखुट्टेको टोकाइबाट बच्नु भएको भन्दै विज्ञहरुले यसको टोकाइबाट बच्न सल्लाह दिएका छन् ।
लामखुट्टेले पानी जमेको ठाउँमा अण्डा पार्ने भएकाले आफना वरपर पानी जम्न नदिन पनि उनीहरुको सल्लाह छ । फिजिसियन डा कुन्दन कार्कीले डेंगुको लामखुट्टेले सफा पानी रोज्ने हुँदा गमला, बाल्टी, फुलदानीमा राखिएका पानीमा पनि यसको अण्डाहरु हुन सक्ने भन्दै यस्ता कुराहरुमा पनि ध्यान दिनपर्ने बताए । यो वर्ष १४ हजार बढीमा डेंगु संक्रमण देखिसकेको छ ।
यसैगरी डेंगुबाट जोगिने अर्को उपाय भनेको यसको टोकाइबाट जोगिन पूरा बाहुला भएको लुगा लगाउने, झ्याल ढोकामा जाली हाल्ने तथा साँझपख सकेसम्म बाहिर ननिस्कने गर्नुपर्छ । यसैगरी तेस्रो नम्बरमा यदि केही गरी ज्वरो आउने, टाउकाे दुख्ने भएमा तुरुन्त स्वास्थ्य संस्थामा सम्पर्क गर्नुपर्छ ।
डेंगु एडीस जातको इजिपटाई तथा एल्बोपिक्ट्स प्रजातिको लामखुट्टेको टोकाइबाट सर्दछ। ज्वरो आउनु, टाउको दुख्नु, आँखाको गेडी दुख्नु, शरीरमा स–साना डाबर देखिनु र मांसपेशी तथा जोर्नीहरु दुख्नु यसका लक्षणहरु हुन्।
स्वास्थ्य मन्त्री पौडेलद्धारा माग सम्बोधन गर्ने प्रतिबद्धता, औषधि व्यवसायीको आन्दोलन स्थगित
औषधि मूल्य प्रतिवेदनविरुद्ध व्यवसायिक संघसंस्थाहरू आन्दोलनमा
मेडिसिटी अस्पतालमा कलेजो प्रत्यारोपण सुरु
भारतको अहमदाबादमा विमान दुर्घटना
औषधिको मूल्य नीति सुझाव समितिको प्रतिवेदनमा उद्योगी तथा व्यवसायीको आपत्ति