२९ साउन २०८० , सोमवार

चिकित्सक संघले भन्यो- ‘नक्कली डाक्टरका नाममा सक्कली डाक्टरलाई पक्राउ गर्नु गम्भीर त्रुटी’

सीआइबीले नक्कली भनेर पक्राउ गरेका डा रञ्जितकुमार यादव रिहा

हेल्थ टिभी अनलाइन \काठमाडौं : नेपाल चिकित्सक संघले सीआइबीले चलाएको अनुसन्धान अन्तर्गत सक्कली चिकित्सकलाई पक्राउ गरेकोमा आपत्ति जनाएको छ ।

संघले विज्ञप्ति जारी गर्दै नेपाल चिकित्सक संघका आजीवन सदस्य समेत रहेका डा रञ्जितकुमार यादवलाई नक्कली चिकित्सक भन्दै पक्राउ गरेकोमा आपत्ति जनाएको हो । आफनो काममा दत्त चित्त भएर सेवा गरिरहेका चिकित्सकको मानमर्दन हुने गरी तथा न्युनतम मानवअधिकारको समत ख्याल नगरी फितलो अनुसन्धानका आधारमा पक्राउ गरेको संघले भत्सर्ना गरेको छ ।

नेपाल मेडिकल काउन्सिल जस्तो जिम्मेवार संस्थाले सीआइबीलाई कसरी गलत विवरण दियो भन्दै संघले काउन्सिललाई पनि सच्चिन भनेको छ । यसरी गलत सूचना दिनेलाई कडा कारवाही गर्न समेत संघले आग्रह गरेको छ ।

नक्कली डाक्टर भन्दै पक्राउ परेका सक्कली डा रञ्जितकुमार यादव रिहा भइसकेका छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।