१३ बैशाख २०८० , बुधबार

थप ८२ जनामा कोरोना संक्रमण, एक जनाको मृत्यु

हेल्थ टिभी अनलाइन \काठमाडौं : देशभर थप ८२ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १६ सय ३४ जनाको नमुना परीक्षण गरिएकोमा ८२ जनामा कोरोना पुष्टि भएको हो । योसँगै देशभर सक्रिय संक्रमितको संख्या ३६१ पुगेको छ । अहिले २९ जना संक्रमित संस्थागत आइसोलेसनमा रहेका छन्। यसैगरी ६५ जना संक्रमित संक्रमणमुक्त भएका छन्।

आज एक जना कोरोना संक्रमितको मृत्यु भएसँगै हालसम्म नेपालमा कोरोना संक्रमणबाट १२ हजार २८ जनाको ज्यान गएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।