हेल्थ टिभी अनलाइन \काठमाडौं : नेपालमा पछिल्लो २४ घण्टामा थप एक जना कोरोना संक्रमितको मृत्यु भएको छ भने १०६ जना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा १८ सय ८३ जनाको नमुना परीक्षण गरिएकोमा १०६ जनामा कोरोना पुष्टि भएको हो । योसँगै देशभर सक्रिय कोरोना संक्रमितको संख्या ४१४ पुगेको छ भने कोरोनाबाट मृत्यु हुनेको संख्या १२ हजार २६ पुगेको छ ।

मन्त्रालयका अनुसार हाल २५ जना संक्रमित संस्थागत आइसोलेसनमा रहेका छन्।