२२ चैत्र २०७९ , बुधबार

थप ९८ जनामा कोरोना पुष्टि, ५ जना आइसीयू र भेन्टिलेटरमा उपचाररत

हेल्थ टिभी अनलाइन \काठमाडौं : देशभर कोरोना संक्रमण बढ्न थालेको छ । गत २४ घण्टामा मात्रै ९८ जना नयाँ संक्रमित फेला परेका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा १७ सय ६८ जनाको नमुना परीक्षण गरिएकोमा ९८ जनामा कोरोना पुष्टि भएको हो । योसँगै देशभर फेरि एकपटक कोरोना संक्रमितको संख्या बढेर ३२२ पुगेको छ ।

यसैगरी संस्थागत आइसोलेसनका १७ जना संक्रमित रहेको मन्त्रालयले जनाएको छ । उता ४ जना सिकिस्त संक्रमित आइसीयू र एकजनाको भेन्टिलेटरमा उपचार भइरहेको छ ।

यहीवीच १८ हजार १४२ जनाले कोरोना विरुद्धको खोप लगाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।