२९ भदौ २०७५ , शुक्रबार

सर्वाेच्चले चिकित्सक संघलार्इ भन्याे, बन्द हडताल नगर्नु

काठमाडौं : सर्वोच्च अदाततले स्वास्थ्य सेवा बन्द हडतालजस्ता कार्य नगर्न नेपाल चिकित्सक संघको नाममा आदेश जारी गरेको छ।

बिहीबार जारी गरिएको आदेशमा भनिएको छ, ‘भदौ २६ गतेदेखि स्वास्थ्य सेवा बन्द गर्ने भनिएको संघको निर्णय अर्को आदेश नभएसम्म तत्काल कार्यान्वयन नगर्नु\नगराउनु।’

उपभोक्ता हित संरक्षण मञ्चका तर्फबाट अधिवक्ता विष्णुप्रसाद तिमिल्सनाले स्वास्थ्य क्षेत्रजस्तो आधारभूत क्षेत्रमा बन्द हडताल गर्न नहुने भन्दै दायर गरेकाे रिट निवेदनमा अदालतले यस्ताे अादेश दिएकाे हाे।

यसअघि संघले मुलुकी अपराध (संहिता) ऐन २०७४ संशोधनका विषयलाई लिएर आन्दोलनको कार्यक्रम घोषणा गरेको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।