अस्पतालमा बच्चा साटिएपछि…
कैलाली : डडेल्धुराको आलितालकी भावना बोहराकाे १७ दिनको बिरामी नवजात छोरालाई भदौ १७ गते सेती अञ्चल अस्पताल पुगिन्। निमोनियाभएका १७ दिने शिशुलाई चिकित्सकहरूले सेती अञ्चल अस्पतालको एनआईसीयुमा भर्ना गराए।
सोही दिन अस्पतालको प्रसूति वार्डमा कैलालीको गोदावरी गाउँपालिकाकी काली खातीले पनि छोरी जन्माइन्। उनको नवजात छोरीको स्वास्थ्यमा पनि समस्या देखिएकाले चिकित्सकले एनआईसीयुमा पठाए। १८ गते काली खातीको शिशुलाई सञ्चो भयो र उनलाई चिकित्सकले डिस्चार्ज गरे।
एनआईसीयुमा काम गर्ने स्वास्थ्यकर्मीले खातीलाई छोरीको साटाे बोहराको छोरा ल्याएर दिए। उनी शिशु लिएर धनगढीबाट झण्डै २५ किलोमिटर टाढा गोदावरी नगरपालिकास्थित घर जमुनाभाडी पुगिन्। घरमा पुगेर शिशुको शरीर पखाल्न लुगा खोलेपछि मात्रै उनले शिशु साटिएको चाल पाएकी थिइन्।
सबैतिर हल्लाखल्ला भयो। यता अस्पतालमा पनि हल्लाखल्ला भइसकेको थियो। केही बेरमै खातीलाई अस्पतालबाट फोन आयो। उनलाई अस्पताल बोलाइयो र साटिएको बच्चा अभिभावकको जिम्मा लगाइयो।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने