दुर्गम गाउँमा पुग्याे एम्बुलेन्स
पाल्पा : विकट मानिने रैनादेवी छहरा गाउँपालिकाको जुठापौवा गाविसमा एम्बुलेन्सको पहुँच पुगेको छ। गाउँपालिकाले जुठापौवा स्वास्थ्य चौकीलाई एम्बुलेन्स अनुदानमा उपलब्ध गराएको हो।
गाउँपालिकाको करीब ११ लाख लगानी र नेपाल सरकारको तर्फबाट भन्सार छुटमा एम्बुलेन्स खरिद गरिएको गाउँपालिकाका प्रमुख प्रशासकीय अधिकृत थानेश्वर पराजुलीले बताए। उनका अनुसार करिब ३० लाख पर्ने एम्बुलेन्स खरिदको लागि गाउँपालिकाले बिमासहित करिब ११ लाख रूपैयाँ लगानी गरेको छ। बाँकी भन्सार छुट भएको हाे।
टाटा कम्पनीको बोलेरो एम्बुलेन्स खरिदका क्रममा २४० प्रतिशत भन्सार छुट भएको छ। जुठापौवा स्वास्थ्य चौकीलाई सम्पूर्ण अधिकारसहित हस्तान्तरण गरिएको छ। यो एम्बुलेन्सबाट गाउँपालिका अन्तर्गत तीनवटा वडाका बासिन्दाले सेवा लिन पाउनेछन्।
गाउँपालिकाअन्तर्गत वडा नम्बर ६ जुठापौवा, ७ वल्ढेङगढी र ८ सत्यवतीका सर्वसाधारणलाई यो एम्बुलेन्सले ठूलो राहत हुने गाउँपालिका स्वास्थ्य शाखा प्रमुख जीवन रानाले बताए।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने