भारतमा कोरोना संक्रमितको संख्या २ लाख ५६ हजार नाघ्यो
हेल्थ टिभी अनलाइन: भारतमा कोरोना संक्रमणको जोखिम दिन प्रतिदिन बढ्दो छ । भारतीय स्वास्थ्य मन्त्रालयका अनुसार सोमबार मात्रै झण्डै १० हजार नयाँ संक्रमित थपिएका छन्।
त्यहाँ गत २४ घण्टामा ९ हजार ९ सय ८३ जनामा कोरोना संक्रमण पुष्टि भएको छ । यसैगरी एकैदिन २०७ जनाले ज्यान गुमाएको त्यहाँको मन्त्रालयले जनाएको छ । भारतमा हालसम्म कोरोना संक्रमितको संख्या २ लाख ५६ हजार ६११ पुगेको बताइएको छ । कोरोना संक्रमणकै कारण भारतका विभिन्न जिल्लामा गरी ७ हजार १३५ जनाको मृत्यु भइसकेको छ । कोरोना भाइरसको संक्रमणपछि निको भएर घर फर्किनेको संख्या नै १ लाख २४ हजार बढी छ ।
भारत विश्वभरीमा सबै भन्दा बढी प्रभावित हुने देशहरुको लिस्टमा ६ नम्बरमा परिसकेको छ । सोमबारको आँकडा हेर्दा कोरोना संक्रमित बढ्ने हिसाबमा भारत तेस्रो नम्बरमा परेको छ । भारत अघि अमेरिकामा एकैदिन १८ हजार ९०५ र ब्राजिलमा १८ हजार ३७५ जना थपिएका थिए । त्यसपछि तेस्रो नम्बरमा भारतमा ९ हजार ९८३ जना थपिएका छन्।
भारतमा ९३ प्रतिशत संक्रमितको मृत्यु ८ वटा राज्यमा मात्रै भएको बताइएको छ । महाराष्ट्र, गुजरात,दिल्ली , मध्य प्रदेश, पश्चिम बंगाल, उत्तर पश्चिम, तमिलनाडुर राजस्थान बढी प्रभावित भएको पाइन्छ ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा