विश्वभर कोरोनाबाट मृत्यु हुनेको संख्या ३ लाख ५२ हजार नाघ्यो
हेल्थ टिभी अनलाइन\ काठमाडौं : विश्वभर कोरोना भाइरसको संक्रमणका कारण मृत्यु हुनेको संख्या ३ लाख ५२ हजार नाघेको छ ।
वर्ल्डोमिटरका अनुसार बुधबार बिहानसम्म कोरोनाबाट मृत्यु हुनेको संख्या ३ लाख ५२ हजार २२५ पुगेको जनाइएको छ । यसैगरी विश्वभरी ५६ लाख बढी मानिसमा कोरोनाको संक्रमण देखिएको छ ।अमेरिकाका राष्ट्रपति डोनाल्ड ट्रम्पले शुरुमा चिनिया भाइरस भनेर जिस्काए पनि अहिले सबैभन्दा बढी प्रभावित अमेरिका बन्न पुगेको छ । अमेरिकामा मात्रे कोरोना संक्रमणका कारण १ लाख ५७२ जनाको मृत्यु भएको छ भने १७ लाख २५ हजार बढी मानिस संक्रमणको शिकार भएको छन्।
यसैगरी इटलीमा ३२ हजार ९५५ जनाको ज्यान गएको छ । बेलायतमा ३७ हजार ४८ जनाको मृत्यु भएको छ । उता स्पेनमा पनि २७ हजार ११७ जनाको कोरोना संक्रमणको कारण ज्यान गएको पाइन्छ । पछिल्लो समय ब्राजिल पनि कोरोनाको चपेटामा परेको छ । त्यहाँ २४ हजार बढीले ज्यान गुमाएका छन्। यसैगरी फ्रान्समा २८ हजार ५३० जनाको मृत्यु भएको छ ।
यता भारतमा १ लाख ४५ हजार ३८० जनामा संक्रमण पुष्टि भइसेको छ भने ४ हजार १६७ जनाको ज्यान गएको छ । नेपालमा हालसम्म संक्रमितको संख्या ७७२ पुगेको छ भने ४ जनाको कोरोना संक्रमणका कारण मृत्यु भएको छ ।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने