प्रदेश ७ मा स्वास्थ्य बिमा गराउने एक लाख नाघे
बैतडी : २०७२ चैत २५ गते कैलालीबाट सुरु भएको स्वास्थ्य बिमा कार्यक्रममा प्रदेशभर हालसम्म एक लाखभन्दा बढी आबद्ध भएका छन्।
प्रदेश ७ मा कैलाली, बैतडी, बझाङ, अछाम र बाजुरा गरी पाँच जिल्लामा यो कार्यक्रम लागू भएको छ। सबैभन्दा बढी कैलालीमा ७७ हजार १३१ जनाले बिमा गरेका छन्। अछाममा आठ हजार ७९८,बाजुरा ९ हजार २८०, बैतडीमा ६ हजार ९७ र बझाङमा आठ हजार २९ जना स्वास्थ्य बिमामा आबद्ध छन्।
स्वास्थ्य बिमावाट प्रदेश ७ मा दुर्इ करोड रुपैयाँ योगदान रकम संकलन भएको स्वास्थ्य बिमा बोर्ड, प्रदेश ७ का संयोजक जनक साउदले जानकारी दिए। स्वास्थ्य बिमा कार्यक्रम प्रभावकारी बन्दै भौगोलिक कठिनाइ, गरीबी, नागरिकको चेतनास्तर लगायत चुनौतीबीच पनि बिमा कार्यक्रममा आकर्षण देखिएको संयोजक साउदले बताए।
स्वास्थ्य बीमा गरेपछि आवश्यक परेका बेला स्वास्थ्य सेवा उपभोग गर्न पाउने, उपचारका लागि ऋण खोज्न नपर्ने र गुणस्तरीय सेवा पाइने भएकाले यसप्रतिकाे आकर्षण बढ्दै गएको छ ।
चिकित्सा शिक्षा आयोगको बैठक : सिट बढाउन सिफारिसपछि निजीले निर्वाह भत्ता दिने
शिक्षक आन्दोलनको रिपोर्टिङमा खटिएकी पत्रकार कार्कीमाथि आक्रमण, आँखामा गम्भीर चोट
मानसिक स्वास्थ्यका क्षेत्रमा सर्वोच्च अदालतको परमादेश
आवासीय चिकित्सक पनि आन्दोलनमा
चिकित्सकहरूले बिहिबार २ घण्टा स्वास्थ्य मन्त्रालय घेर्ने