काठमाडौं : सोलुखुम्बुको प्रसिद्ध धार्मिक स्थल दूधकुण्डमा जनैपूर्णिमाका अवसरमा लाग्ने मेलामा रेडक्रसले स्वास्थ्य शिविर सञ्चालन गरेको छ। नेपाल रेडक्रस सोसाइटी उपशाखा टाक्सिन्दुले अघिल्ला वर्षहरुमा जस्तै यो वर्ष पनि स्वास्थ्यकर्मी खटाएर निःशुल्क शिविर सञ्चालन गरेकाे हो।

पाँच स्वास्यथ्कर्मी सहितको १५ जनाको टोली बिहीबारदेखि १० गतेसम्मका लागि खटाइएको रेडक्रस उपशाखा टाक्सिन्दुका सुरेश खड्काले जानकारी दिए। जनैपूर्णिमाको अवसरमा सोलुदूधकुण्ड नगरपालिकाको टाक्सिन्दुमा अवस्थित दूधकुण्डमा हरेक वर्ष भव्य मेला लाग्छ।