नेपाल मेडिसिटीमा सिरहावासीलार्इ विशेष सहुलियत
ललितपुर : नेपाल मेडिसिटी अस्पतालमा सिरहावासीले विशेष सहुलियत प्राप्त गर्ने भएका छन्। भैँसेपाटीस्थित नेपाल मेडिसिटीमा मंगलबार सिरहा समाज सेवाका अध्यक्ष विष्णुकुमार साह र अस्पतालका महाप्रबन्धक विजय रिमालले सम्झौतामा हस्ताक्षर गरेका हुन्।
सम्झौताअनुसार सिरहा समाज सेवासँग समन्वय गरी नेपाल मेडिसिटीमा उपचारका लागि आउने सिरहावासीले विशेष सहुलियत पाउनेछन्। नेपालमै सम्पूर्ण उपचार सम्भव रहेको अवस्थामा विभिन्न स्थानमा फैलिएका नेपालीहरूलाई स्वदेशी अस्पतालको सेवासुविधामा सहभागी गराउने उद्देश्यमा यस सम्झौताले महत्त्वपूर्ण भूमिका खेल्ने अस्पतालका महाप्रबन्धक रिमालले बताए।
त्यस्तै सिरहा समाजका अध्यक्ष साहले उत्कृष्ट अस्पतालसँग समन्वय गर्न पाएकोमा खुशी व्यक्त गरे। सिरहावासीले नेपाल मेडिसिटी अस्पतालको नगदरहित स्वास्थ्य बिमा कार्यक्रममा सहभागी भई सुलभ उपचार प्राप्त गर्नसक्ने छन्।
सिरहा समाज सेवा वा नेपाल मेडिसिटीमा सम्पर्क राखी बिमा कार्यक्रममा आबद्ध हुनसक्ने जनाइएकाे छ।
चिकित्सा शिक्षा आयोगको बैठक : सिट बढाउन सिफारिसपछि निजीले निर्वाह भत्ता दिने
शिक्षक आन्दोलनको रिपोर्टिङमा खटिएकी पत्रकार कार्कीमाथि आक्रमण, आँखामा गम्भीर चोट
मानसिक स्वास्थ्यका क्षेत्रमा सर्वोच्च अदालतको परमादेश
आवासीय चिकित्सक पनि आन्दोलनमा
चिकित्सकहरूले बिहिबार २ घण्टा स्वास्थ्य मन्त्रालय घेर्ने