हेल्थ टिभी अनलाइन \काठमाडौं : भारतमा कोरोना भाइरसको संक्रमितको संख्या मंगलबारसम्म ४ हजार ७ सय ८९ पुगेको छ ।

पछिल्लो २४ घण्टामा मात्रै १३ जनाले ज्यान गुमाएका छन् । त्यसैगरी  ५०८ जना नयाँ संक्रमित थपिएका छन्। अहिलेसम्म १ सय २४ जनाको मृत्यु भइसकेको छ भने संक्रमितमध्ये ३ सय २५ जना निको भएर घर फर्किसकेका छन्।

महाराष्ट्रमा सबैभन्दा बढी संक्रमित भेटिएका छन्। महाराष्ट्रमा मात्रै १ हजार कोरोना संक्रमित पाइएका हुन्। त्यसैगरी महाराष्ट्रमा मात्रै ६४ जनाको मृत्यु भएको त्यहाँको स्वास्थ्य मन्त्रालयले जनाएको छ । कोरोना रोकथामका लागि भारत सरकारले तीन साताका लागि लकडाउन गरेको छ ।