विश्व स्वास्थ्य संगठनद्वारा कोरोनालाई महामारी घोषणा
जेनेभा: विश्व स्वास्थ्य संगठनले विश्वभर फैलिंदै गएको कोरोना भाइरसको संक्रमणलाई विश्व महामारी घोषणा गरेको छ।
बुधबार विश्व स्वास्थ्य संगठनले जेनेभास्थित कार्यालयमा पत्रकार सम्मेलन गरी विश्व महामारी घोषणा गरेको हो। पत्रकार सम्मेलनमा संगठनका प्रमुख डा टेड्रोसले विगत २ सातायता चीनबाहिर कोरोनाको संक्रमण १३ गुणा बढेको भन्दै महामारी घोषणा गर्न बाध्य भएको बताएका थिए ।
उनले हालसम्म कोरोना भाइरसका कारण ४ हजार बढीको ज्यान गएको र १ लाख १८ हजार भन्दा बढी मानिस संक्रमित भइसकेका पनि जानकारी गराएका थिए । उनले हरेक देशले कोरोना भाइरससँग लड्न आफ्नै रणनिती बनाउनपर्नेमा जोड दिएका थिए । उनले कोरोना हालसम्म ११४ देशमा फैलिसकेको पनि जानकारी दिएका थिए ।
यसअघि नै विश्व स्वास्थ्य संगठनले नेपाललाई कोरोनाको लागि उच्च जोखिम भएको देश घोषणा गरेको थियो ।
गण्डकी प्रदेशको स्वास्थ्य मन्त्रीमा सीता सुन्दास नियुक्त
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल