२२ साउन २०७५ , मङ्लबार

तुलसीपुर बसपार्कमा स्तनपान कक्ष

दाङ : तुलसीपुरमा बन्न लागेकाे आधुनिक बसपार्कमा ‘स्तनपान कक्ष’ निर्माण गरिने भएको छ।

तुलसीपुर उपमहानगरपालिकाका प्रमुख घनश्याम पाण्डेले निर्माणाधीन बसपार्कको अवलोकन गर्दै स्तनपान कक्ष निर्माणका लागि निर्देशन दिएका हुन्।

स्तनपान गराउने कक्ष नहुँदा महिलाहरुलाई अनेक समस्या हुने भएकाले यस्तो कक्षको निर्माण गर्न आवश्यक भएको उपमहानगरका प्रमुख पाण्डेले बताए। स्तनपान कक्षको अभावमा नाबालकहरूले आवश्यक मात्रामा दूध खान नपाएकाले स्तनपान कक्ष निर्माणको अवधारणा अघि बढाइएको उनले बताए।

निर्माण कार्यलाई तीब्रताका साथमा अगाडि बढाउन पनि उपमहानगरका प्रमुख पाण्डेले निर्देशन दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।