काठमाडौंः  २७ दिनदेखि अनशनरत डा. गोविन्द केसीले विहीबार अनशन तोडेका छन । दिनभर विभिन्न चरणमा वार्ता भए पनि सहमति जुट्न सकेको थिएन ।

सहमतिसँगै केदारभक्त माथेमा र नेकपा संसदीय दलका उपनेता सुवास नेम्वाङले जुस पिलाएर अनसन तोडाएका छन् । यो सगै डा.केसीको २७ दिनको अनशन सकिएको छ। उनको स्वास्थ्य अवस्था अत्यन्त गम्भीर भएकाले उनलाई आइसीयूमा  राखेर उपचार गरिने बताइएको छ । सरकारले डा.गोविन्द केसीका सबै माग पुरा गर्ने गरी नौंबुँदे सहमति गरेको छ ।