डेंगु नियन्त्रण गर्न लामखुट्टेको लार्भा नष्ट
रूपन्देही : डेंगु रोग नियन्त्रणका लागि लामखुट्टेको बासस्थान खोजेर लार्भा नष्ट गर्न सुरु गरिएको छ। रूपन्देहीको सैनामैना नगरपालिकाको मुर्गिया, कलौनी, सालझण्डीमा रहेको झाडी र सडक वरिवरिका बासस्थान खोजी गरी महिला स्वयंसेविकाले लार्भा नष्ट गरेका हुन्।
दुई दिनसम्म सञ्चालन भएको डेंगु रोग नियन्त्रण तथा रोकथामसम्बन्धी अभिमुखिकरणपछि लार्भा नष्ट गरिएको हाे। लार्भा नष्ट गर्ने काममा सैनामैना नगरपालिकाका जनप्रतिनिधिसमेत सहभागी थिए।
जिल्ला जनस्वास्थ्य कार्यालयका निरीक्षक केदारनाथ शाहले डेंगु सार्ने लामखुट्टेको बासस्थान र लार्भा नष्ट पारेर यसबाट बच्ने उपायबारे जानकारी दिइएको बताए। उनका अनुसार रुपन्देहीमा ९३१ जना डेंगु रोगबाट प्रभावित भएका छन्।तीमध्ये ५५७ जना बुटवल उपमहानगरपालिकामा र ११ जना सैनामैना नगरपालिकामा भेटिएका छन्।
डेंगुका कारण याे वर्ष रूपन्देहीमा तीन जनाको मृत्यु भइसकेको जिल्ला जनस्वास्वाथ्य कार्यालयले जनाएको छ।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने