२९ असार २०७५ , शुक्रबार

अावासीय चिकित्सकले चलाए माइतीघर मण्डलामा अाेपीडी

काठमाडौं : आन्दोलनरत आवासीय चिकित्सकहरूले काठमाडौंको माइतीघर मण्डलामा ओपीडी (बहिरंग सेवा) सञ्चालन गरेका छन्। १४ दिनदेखि आमरण अनशनमा रहेका डा. केसीको स्वास्थ्य अवस्था जटिल बन्दै गए पनि सरकारले चासो नदेखाएको भन्दै उनीहररू हडतालमा उत्रिएका हुन्।

डाक्टर केसीको माग पूरा गराउन सरकारलाई दबाव दिने उद्देश्यले माइतीघरमा ओपीडी सेवा सञ्चालन गरेको आवासीय चिकित्सक संघले जनाएको छ।

माइतीघरमा जम्मा भएका ५० आवासीय चिकित्सकले डा. केसीको माग यथाशीघ्र पूरा गर्न माग गरे। ‘माग पूरा नभएसम्म हडताल जारी रहन्छ’, आवासीय चिकित्सक संघका अध्यक्ष डा. सुमित पाण्डेले भने, ‘सरकार डा. केसीका मागप्रति उदासीन बन्दै गए सम्पूर्ण सेवा बन्द गरी आन्दोलनमा उत्रिनेछौँ।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।