८ फाल्गुन २०७९ , सोमवार

प्राडा मथुराप्रसाद श्रेष्ठको निधन

हेल्थ टिभी अनलाइन \काठमाडौं : प्राडा मथुराप्रसाद श्रेष्ठको ८८ वर्षको उमेरमा निधन भएको छ। डा श्रेष्ठको काठमाडौंको अन्नपूर्ण न्यूरो अस्पतालमा उपचारका क्रममा निधन भएको हो।

अस्पतालले एक विज्ञप्ति जारी गर्दै डा श्रेष्ठमा दीर्घ दम रोग तथा उच्च रक्तचापको समस्या रहेको र पोष्ट कोभिड सिन्ड्रोमले अझै सताएको जनाएको छ । छातीमा समस्या भएर अस्पताल भर्ना भएका डा श्रेष्ठको निमोनिया र पोस्ट कोभिड सिन्ड्रोमका कारण आज बिहान ४ बजेर २० मिनेटमा मृत्यु भएको विज्ञप्तिमा उल्लेख छ ।

प्राडा मथुराप्रसाद श्रेष्ठले नेपालमा पूर्व स्वास्थ्यमन्त्री समेत भएर काम गरिसकेका छन्। नेपालमा कम्युनिटी मेडिसिनको विकास गर्नका लागि उनको उल्लेखनीय योगदान रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।