१९ माघ २०७९ , बिहिबार

नेपाल चिकित्सक संघ चुनाव : उपत्यकामा आजदेखि मतदान सुरु

हेल्थ टिभी अनलाइन \काठमाडौं : नेपाल चिकित्सक संघको नयाँ कार्य समितिका लागि आजदेखि उपत्यकामा निर्वाचन सुरु भएको छ।

काठमाडौंको नेपाल प्रज्ञा–प्रतिष्ठान कमलादीमा मतदान सुरु भएको हो । यसअघि यही माघ ६ गते र ७ गते उपत्यका बाहिरका १६ शाखा कार्यालयमा निर्वाचन सम्पन्न भइसकेको छ। उपत्यका बाहिर तीन हजार छ सय ५० मत खसेको थियो ।
उपत्यकामा भने आजदेखि तीन दिन माघ १९, २० र २१ निर्वाचन हुनेछ। तीन दिन उपत्यकामा आठ हजार नौ सय मतदाता निर्वाचनमा सहभागी हुँदैछन्। निर्वाचन साँझ ५ बजेसम्म सञ्चालन हुनेछ।

अध्यक्षमा तीन समूहले आ आफनो प्यानल बनाई चुनावी मैदानमा उत्रिएका छन्। अध्यक्षमा लोकतान्त्रिक समूहबाट डा अनिलविक्रम कार्की, प्रगतिशीलबाट डा सन्तोष पौडेल र स्वतन्त्र प्यानलबाट डा शिवजी सिलवालको टिम चुनावी प्रतिस्पर्धा छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।