हेल्थ टिभी अनलाइन \बाँके : बाँकेमा दादुरा संक्रमित बालबालिकाको संख्या ११५ पुगेको छ ।  यो संख्या बुधबार ५ बजेसम्मको हो ।

दादुरा रोकथामका लागि त्यहाँ पुस २२ गतेदेखि दादुरा रुबेला विरुद्धको खोप अभियान सञ्चालन गरिएको छ।  सो अभियानमा बुधबारसम्म ७ हजार १६३ जनाले खोप लिएको स्वास्थ्य कार्यालय बाँकेले जनाएको छ । जिल्लामा ७ हजार डोज दादुरा रुबेला खोप स्टक रहेको र आज ३०,००० मात्रा थप खोप प्रदेश स्वास्थ्य आपुर्ती ब्यबस्थापन केन्द्र मार्फत प्राप्त हुने पनि जनाइएको छ ।

नेपालगञ्ज यही पुस १२ गतेदेखि दादुरा फैलिएको थियो । जसबाट एक जनाको मृत्यु समेत भएको छ ।

नेपालगञ्ज उपमहानगरपालिकाका वडा नम्बर–१, ३, ५, ७, ८, ९, १०, ११, १४, १५, १६ र २२ मा गरी १२ वटा वडाका ११३ जनामा संक्रमण देखिएको छ । यसैगरी खजुरा गाउँपालिकामा २ जनामा दादुरा पुष्टि भएसँगै कुल संक्रमितको संख्या ११५ भएको हो ।