१४ पुस २०७९ , बिहिबार

महिला पत्रकारका लागि निःशुल्क क्यान्सर स्क्रिनिङ कार्यक्रम

हेल्थ टिभी अनलाइन \काठमाडौं : महिला पत्रकारहरुका लागि ललितपुरको हरिसिद्धीमा रहेको नेपाल क्यान्सर हस्पिटल एण्ड रिसर्च सेन्टरले क्यान्सर सचेतना कार्यक्रम तथा निःशुल्क क्यान्सर स्क्रिनिङ कार्यक्रम आयोजना गर्ने भएको छ ।

समृद्धि फाउण्डेसन नेपालसँगको सहकार्यमा अस्पतालले यही पुस १५ गते शुक्रवार अस्पताल परिसरमा क्यान्सर सचेतना कार्यक्रम तथा क्यान्सर स्क्रिनिङ कार्यक्रम गर्न लागेको हो । फुजिमा ओयल कम्पनी लिमिटेडको सहयोगमा आयोजना गर्न लागिएको उक्त कार्यक्रममा महिला पत्रकारहरुले स्तन क्यान्सर भए नभएको पत्ता लगाउने मेमोग्राफी र पाठेघरको क्यान्सर पत्ता लगाउने प्याप्प स्मेयर टेस्ट गर्न पाउने छन् ।

साथै यसबाट बच्न के गर्ने भन्ने विषयमा विज्ञ चिकित्सकबाट प्रस्तुती समेत रहने अस्पतालका अध्यक्ष डा सुदीप श्रेष्ठले जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।