हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले नेपालमा हालसम्म कोभिड १९ को नयाँ भेरियन्ट बि एफ ७ हालसम्म पुष्टि नभएको जनाएको छ।

मन्त्रालयले शनिबार एक प्रेस विज्ञप्ति जारी गर्दै छिमेकी देशहरुमा तीब्र गतिमा फैलिरहेको कोरोनाको नयाँ भेरियन्ट बि एफ७ हालसम्म नेपालमा पुष्टि नभएको जनाएको हो। खुला सिमाना भएकाले मानिसहरुको आवतजावतका कारण कोरोनाको नयाँ भेरियन्ट फैलिने जोखिम रहेको पनि विज्ञप्तिमा उल्लेख गरिएको छ ।

मन्त्रालयले कोरोनाबाट बच्न अपनाउनुपर्ने जनस्वास्थ्यका मापदण्ड अनिवार्य पालना गर्न पनि आग्रह गरेको छ । यसैगरी नजिकै आएको क्रिसमस तथा अग्रेजी नयाँ वर्ष मनाउँदा बढी भिडभाड नगर्न र दूरी कायम गर्दै मास्कको प्रयोग गर्न पनि मन्त्रालयलेआग्रह गरेको छ ।

कोरोनाको नयाँ भेरियन्ट बी एफ ७ ले चीन लगायतका केही देशहरुमा संक्रमण फैलाइरहेको छ ।