चिसो बढ्यो सावधानी अपनाऔं : स्वास्थ्य मन्त्रालय
हेल्थ टिभी अनलाइन \काठमाडाैं : चिसो बढेको भन्दै स्वास्थ्य तथा जनसंख्या मन्त्रालयले सावधानी अपनाउन आग्रह गरेको छ ।
मन्त्रालयका प्रवक्ता डा सन्जय ठाकुरले केही दिन यता चिसो बढेको भन्दै यो बेला केही रोगहरुले सताउने हुँदा सावधानी अपनाउन आग्रह गरेका हुन्। उनले बालबालिका, वृद्धवृद्धा तथा गर्भवती महिलालाई चिसो मौसममा बढी समस्याहरु देखिने हुँदा उनीहरुले विशेष ख्याल गर्नुपर्ने बताए । यसका साथै अन्य व्यक्तिहरुले पनि चिसोबाट बच्न न्यानो लुगा लगाउने, तातो खाना खाने, घरबाहिर चिसोमा धेरै नबस्ने लगायतका सावधानी अपनाउनुपर्ने उनको भनाई छ ।
चिसो मौसममा आगो ताप्दा तथा हिटर बाल्दा सतर्कता अपनाई कोठामा हावा आवतजावत भइरहेको छ छैन ख्याल गर्न पनि मन्त्रालयले आग्रह गरेको छ । कोठामा आगो बालेर ताप्दा अक्सिजनको कमी भएर दुर्घटना हुने सम्भावना हुने हुँदा आगो बाल्दा हावा पास हुने गरी झ्याल ढोका खुला राख्न पनि आग्रह गरिएको छ ।
यसका साथै यो बेला पानी उमालेर मन तातो बनाएर पटक पटक पिउने गर्दा धेरै समस्याबाट बच्न सकिन्छ । चिसो मौसममा बाहिर निस्कन परेमा पूरै शरीर ढाकिने गरी लुगा लगाएर मात्र निस्कन पनि मन्त्रालयले आग्रह गरेको छ ।
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ
स्वास्थ्यकर्मीहरुलाई नसर्ने रोग नियन्त्रण सम्बन्धी तालिम
रायोको सागको फाइदा
बाल अस्पतालका लागि डा कोइरालाले लिए बियर कम्पनीबाट २५ लाख सहयोग