२७ कार्तिक २०७९ , आइतवार

एशोसिएशन अफ स्पाइन सर्जन्स अफ नेपालको अध्यक्षमा डा विनोद बिजुक्छे

हेल्थ टिभी अनलाइन \काठमाडौं : एशोसिएशन अफ स्पाइन सर्जन्स अफ नेपालको अध्यक्षमा डा विनोद बिजुक्छे निर्वाचित भएका छन् ।

शनिबार काठमाडौंमा सम्पन्न आठौं महाधिवेशनबाट डा बिजुक्छे अध्यक्षतामा निर्विरोध चयन भएका हुन्। ९ सदस्यीय कार्यसमितिको कार्यकाल २ वर्षको हुनेछ ।

एशोसिएशनको नवनिर्वाचित कार्यसमितिको उपाध्यक्षमा डा व्यापक पौडेल, महासचिवमा डा सुरज बज्राचार्य, उपमहासचिवमा डा ज्ञानेन्द्र शाह, कोषाध्यक्षमा डा राजेशकुमार चौधरी निर्वाचित भएका छन् ।

यसैगरी सदस्यहरुमा डा दीपक काउछा, डा सुशील श्रेष्ठ, डा अनुप पोखरेल र डा सुवासचन्द्र झा निर्वाचित भएका छन्। डा विजुक्छे यसअघिको कार्यसमितिमा उपाध्यक्ष थिए । स्पाइन सर्जन डा विजुक्छे ग्रान्डी अस्पतालका मेडिकल डाइरेक्टर समेत हुन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।