२५ कार्तिक २०७९ , शुक्रबार

डा. मीता सिंहद्वारा लिखित ‘गणेशमान सिंहको संघर्ष’ नामक पुस्तक सार्वजनिक

हेल्थ टिभी अनलाइन\ काठमाडौं : डा मीता सिंहद्धारा लिखित गणेशमान सिंहको संघर्ष नामक पुस्तक सार्वजनिक भएको छ । बिहिबार काठमाडौंमा आयोजित एक कार्यक्रममा उक्त पुस्तक सार्वजनिक गरिएको हो ।

नेपाली कांग्रेसका सर्वोच्च नेता गणेशमान सिंहको जीवनी रहेको उक्त पुस्तककी लेखिका डा मीता गणेशमान सिंहकी छोरी हुन्। उनले सिंहको १०८ औं जन्मोत्सवको अवसर पारेर उक्त पुस्तक सार्वजनिक गरेकी हुन्।

उक्त पुस्तकमा छोरी मीताले सन्तानको आँखाबाट बुवालाई नियाल्दा कस्तो पाएँ भन्ने कुरालाई केन्द्रमा राखेर पुस्तक लेखेको बताएकी छिन्। यसमा गणेशमान सिंहले आफनो जीवनकालमा गरेका संघर्षलाई समेटिएको जनाइएको छ । डा मीताले एक वर्ष अघि सो पुस्तक अंग्रेजी भाषामा प्रकााशित गरेकी थिइन ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।