१३ कार्तिक २०७९ , आइतवार

थप २० जनामा कोरोना संक्रमण, अझै छन् ५५२ सक्रिय संक्रमित

हेल्थ टिभी अनलाइन \काठमाडौं : देशभर पछिल्लो २४ घण्टामा २० जना नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा १ हजार ८४ जनाको नमुना परीक्षण गरिएकोमा २० जनामा कोरोना पुष्टि भएको हो ।

यसैगरी यहीवीच ३४ जना कोरोना संक्रमित निको भएका छन्। कोरोना संक्रमण दर कम भएको भए पनि देशमा अहिले पनि ५५२ जना सक्रिय संक्रमित होम तथा संस्थागत आइसोलेसनमा रहेको मन्त्रालयले जनाएको छ ।

उता डेंगु संक्रमितको संख्या पनि ४६ हजार ४१३ पुगेको छ भने हालसम्म ५२ जनाको मृत्यु भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।