हेल्थ टिभी अनलाइन\ काठमाडौं : देशभर थप ४२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयको पछिल्लो विवरण अनुसार ९२१ जनाको नमुना परीक्षण गरिएकोमा ४२ जनामा कोरोना पुष्टि भएको हो ।

योसँगै देशभर सक्रिय संक्रमितको संख्या ६९२ पुगेको छ । उता यहीवीच ४३ जना संक्रमित निको भएर डिस्चार्ज भएका छन्। मन्त्रालयका अनुसार गत २४ घण्टामा एक जना कोरोना संक्रमितको मृत्यु भएको छ । लामो समयपछि कोरोना संक्रमितको मृत्यु भएको छ ।

आज मृत्यु भएका संक्रमितसहित देशमा कोरोनाबाट मृत्यु हुनेको संख्या १२ हजार १९ पुगेको छ ।