२१ अशोज २०७९ , शुक्रबार

नेपालमा डेंगु संक्रमितको संख्या ३२ हजार नाघ्यो

हेल्थ टिभी अनलाइन \काठमाडौं : नेपालमा डेंगु संक्रमण पुष्टि हुनेको संख्या ३२ हजार नाघेको छ । शुक्रबारसम्मको तथ्यांक सार्वजनिक गर्दै स्वास्थ्य मन्त्रालयले डेंगु संक्रमितको संख्या ३२ हजार १२१ पुगेको जनाएको हो ।

यसैगरी डेंगु संक्रमण भएर ज्यान गुमाउनेको संख्या ४२ पुगेको छ । पछिल्लो समय नेपालमा डेंगु संक्रमण तीब्र रुपमा बढिरहेको छ भने घर घरमा डेंगु ज्वरोका बिरामी रहेका छन्। कतिपय बिरामी अति सिकिस्त नभएसम्म अस्पताल नजाने हुँदा कुल संक्रमितको संख्या अझै धेरै हुने अनुमान विज्ञहरुको छ ।

पानी पर्ने क्रम नरोकिएकाले अझै डेंगुको जोखिम हटिनसकेको भन्दै सबैलाई सतर्कता अपनाउन मन्त्रालयले आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।