१६ अशोज २०७९ , आइतवार

दशैंका बेला काठमाडौंमा नि:शुल्क एम्बुलेन्स सेवा

हेल्थ टिभी अनलाइन \काठमाडौं : दशैंका बेला काठमाडौं महानगरपालिकाले डेंगु संक्रमणको अवस्थालाई मध्यनजर गर्दै नि:शुल्क एम्बुलेन्स सेवा दिने भएको छ ।

काठमाडौंमा डेंगुले महामारीको रुप लिइरहेकाले यो बेला महानगरले नागरिकको स्वास्थ्यलाई हेरेर नि:शुल्क एम्बुलेन्स सेवा उपलब्ध गराउने घोषणा गरेको हो ।

महानगरका अनुसार दशैंको बिदाको समयमा पनि डेंगुबारे जानकारी लिने र बिरामीलाई नि:शुल्क एम्बुलेन्स सेवा उपलब्ध गराइनेछ । एम्बुलेन्सका लागि १०२ मा फोन गरेर सेवा लिन सकिने जनाइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।