१३ अशोज २०७९ , बिहिबार

मुटु दिवसमा ह्याम्स अस्पतालको वाकाथन

हेल्थ टिभी अनलाइन \काठमाडौं : विश्व मुटु दिवसको अवसरमा काठमाडौंको धुम्बाराहीस्थित ह्याम्स अस्पतालले वाकाथन कार्यक्रम गरेको छ ।

बिहिबार अस्पताल प्रांगणबाट निस्किएको र्याली रिंगरोड हुँदै नारायणगोपाल चोक पुगेर पुन अस्पताल फर्केर समापन भएको थियो । स्वस्थ मुटुको निम्ति नियमित व्यायामको महत्वलाई जोड दिने हेतुले अस्पतालले वाकाथन कार्यक्रमको आयोजना गरेकाे जनाएको छ ।

वाकाथनमा अस्पतालका चिकित्सक, कर्मचारी, स्वास्थ्यकर्मी, स्थानीय गरी सय बढी सहभागी भएका थिए । हरेक वर्षको सेप्टेम्बर २९ मा विश्व मुटु दिवस मनाउने गरिन्छ । यसपटकको मुटु दिवसको नारा ‘मन लगाउ, सबैको मुटु बचाउ’ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।