१२ अशोज २०७९ , बुधबार

नेपालमा डेंगु संक्रमणबाट मृत्यु हुनेको संख्या ३६ पुग्यो

हेल्थ टिभी अनलाइन \काठमाडौं : नेपालमा डेंगु संक्रमणबाट मृत्यु हुनेको संख्या ३६ पुगेको छ ।

स्वास्थ्य तथा जनसंख्या मन्त्रालयका अनुसार साउन महिना यता बुधबारसम्म डेंगु संक्रमण भएर मृत्यु हुनेको संख्या ३६ पुगेको हो । यसैगरी डेंगु संक्रमण पुष्टि हुनेको संख्या नै २७ हजार ५६९ पुगेको छ । ७६ जिल्लामा फैलिएको डेंगु सबैभन्दा बढी बागमती प्रदेशमा देखिएको छ । बागमती प्रदेशमा मात्रै २१ हजार ५८९ जना डेंगु संक्रमित पुष्टि भइसकेका छन्।

डेंगु संक्रमित लामखुट्टेले स्वस्थ मानिसलाई टोकेमा डेंगु सर्ने गर्छ । डेंगु संक्रमण नेपालमा पहिलोपटक विसं २०६१ सालमा एक जना विदेसी नागरिकमा पुष्टि भएको थियो । त्यसयता प्रत्येक वर्ष डेंगु संक्रमण देखिंदै आएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।