८ अशोज २०७९ , शनिबार

डेंगुका कारण मृत्यु हुनेको संख्या २९ पुग्यो, संक्रमित झण्डै २३ हजार

हेल्थ टिभी अनलाइन काठमाडौं : नेपालमा साउन महिना यता २९ जनाको डेंगु संक्रमणका कारण मृत्यु भएको छ ।

स्वास्थ्य तथा जनसंख्या मन्त्रालयका अनुसार देशमा साउन महिना यता २९ जनाको डेंगुका कारण ज्यान गएको हो । यसैगरी डेंगु संक्रमण पुष्टि हुनेको संख्या नै २३ हजार नजिक पुगेको छ । डेंगु संक्रमण सबैभन्दा बढी बागमती प्रदेशमा पुष्टि भएको छ ।

बागमतीमा मात्रै १७ हजार ७३१ जनामा डेंगु पुष्टि भएको मन्त्रालयले जनाएको छ । सातै प्रदेशमा डेंगु संक्रमण पुष्टि भइसकेको छ भने हाल ७६ जिल्लामा यो फैलिएको छ ।

डेंगु संक्रमण संक्रमित लामखुट्टेको टोकाइबाट सर्ने गर्छ । यसबाट बच्न लामखुट्टेको टोकाइबाट बच्नु नै हो । त्यसका लागि सरकारले डेंगु नियन्त्रणका लागि लामखुट्टेको अण्डा तथा लार्भा नष्ट गर्ने अभियान चलाइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।