५ अशोज २०७९ , बुधबार

नेपालमा डेंगुका कारण ज्यान गुमाउनेको संख्या २४ पुग्यो

हेल्थ टिभी अनलाइन \काठमाडौं : नेपालमा डेंगु रोगका कारण दुई महिनामा नै ज्यान गुमाउनेको संख्या २४ पुगेको छ ।

स्वास्थ्य तथा जनसंख्या मन्त्रालयले बुधबार जारी गरेको तथ्यांक अनुसार साउन यता देशभर २४ जनाको ज्यान गएको हो । सबैभन्दा बढी ललितपुरका रहेका छन्।

उता हालसम्म १९ हजार २३ जनामा डेंगु संक्रमण पुष्टि भइसकेको छ । बागमती प्रदेशमा १४ हजार १५३ जनामा डेंगु संक्रमण पुष्टि भएको छ । त्यसपछि लुम्बिनी प्रदेशमा २ हजार ६८३ रहेका छन्।

अहिले देशका ७५ जिल्लामा डेंगु संक्रमण देखिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।