३१ भदौ २०७९ , शुक्रबार

डेंगुका बिरामीका लागि काठमाडौं महानगरले सुरु गर्‍यो नि: शुल्क हटलाइन सेवा

हेल्थ टिभी अनलाइन \काठमाडौं : काठमाडौं महानगरपालिकाले डेंगु संक्रमण बढेसँगै नि:शुल्क हटलाइन टेलिफाेन र एम्बुलेन्स सेवा सुरु गरेको छ । महानगरका प्रमुख बालेन शाहले डेंगुका बिरामीले आवश्यक पर्दा १०२ मा फोन गरेर नि: शुल्क एम्बुलेन्स सेवा लिन सक्ने बताएका हुन्।

मेयर शाहले डेंगु संक्रमित भए वा संक्रमित भएको शंका लागेमा ११८० मा फोन गरेर स्वास्थ्यकर्मीहरूसँग परामर्श गर्न सकिने पनि बताएका छन्। साथै महानगरले डेंगुका रोकथाम र नियन्त्रणमा आफ्नो घर घर र टोल टोलमा सबै जना सक्रिय भएर लाग्न पनि उनले आग्रह गरेका छन्।

उनले डेंगु समुदायमा फैलिसकेकाले त्यसको रोकथाम र नियन्त्रणका लागि सचेतना तथा क्रियाशीलताको आवश्यकता रहेको पनि बताए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।