जनरल प्राक्टिस तथा आकस्मिक चिकित्सक संघको अध्यक्षमा डा पुष्पमणी निर्वाचित
हेल्थ टिभी अनलाइन \काठमाडौं : जनरल प्राक्टिस तथा आकस्मिक चिकित्सक संघको अध्यक्षमा डा पुष्पमणी खराल निर्वाचित भएका छन् ।
आज नेपाल चिकित्सक संघको केन्द्रिय कार्यालय काठमाडौंमा भएको निर्वाचनमा डा खराल आफ्ना प्रतिष्पर्धी डा भोलाराम श्रेष्ठलाई हराउँदै निर्वाचित भएका हुन्। जम्मा ९१ मत खसेकोमा डा खरालले ५३ मत पाएर विजयी भए भने डा श्रेष्ठले ३८ मत प्राप्त गरेका थिए ।
तेह्र सदस्यीय नयाँ कार्यसमितीमा अध्यक्ष पदका लागि मात्रै निर्वाचन भएको थियो भने अन्य सबै पदमा निर्विरोध निर्वाचित भएका थिए । अध्यक्ष पदमा भने सहमती नभएपछि शनिबार निर्वाचन भएको हो ।
कार्यसमितीको वरिष्ठ उपाध्यक्षमा डा संजीव तिवारी, उपाध्यक्षमा डा सर्वेश शर्मा, महासचिवमा डा विश्वराज दवाडी, सचिवमा डा सुरेस नेपाल, सहसचिवमा डा विकास गौचन, सह कोषाध्यक्षमा डा रोहेन्द्र पाण्डे निर्विरोध निर्वाचित भएका हुन् ।
यसैगरी सदस्यहरुमा डा आरती शाह, डा बिनोद दंगाल, डा संजय कुमार गुप्ता, डा सन्तोष बाँस्तोला, डा तीर्थमान श्रेष्ठ र डा त्रिभुवन चन्द्र झा निर्विरोध निर्वाचित भएका छन्।
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर
सिगरेटको विकल्प ई -सिगरेट होइन