हेल्थ टिभी अनलाइन \काठमाडौं : देशभर थप १५२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा ३ हजार २९४ जनाको नमुना परीक्षण गरिएकोमा १५२ जनामा कोरोना पुष्टि भएको हो । यसैगरी आज २ जना कोरोना संक्रमितको मृत्यु भएको मन्त्रालयले जनाएको छ ।

योसँगै नेपालमा कोरोना संक्रमण भएर ज्यान गुमाउनेको संख्या १२ हजार १२ पुगेको छ । अहिले देशभर २ हजार ४४८ जना सक्रिय संक्रमित रहेका छन्। नेपालमा कोरोना संक्रमणबाट निको हुने दर ९८ दशमलब ६ प्रतिशत रहेको छ ।