२४ भदौ २०७९ , शुक्रबार

ह्याम्स अस्पतालका अध्यक्ष भण्डारी प्रतिनिधि सभा सदस्यको उम्मेदवारमा सिफारिस

हेल्थ टिभी अनलाइन \काठमाडौं : आगामी मंसिर ४ मा हुने निर्वाचनमा ह्याम्स अस्पतालका अध्यक्ष रामशरण (आरएस) भण्डारीलाई उम्मेदवार बनाउन सिफारिस गरिएको छ। नेपाली कांग्रेस बागमती प्रदेश कमिटिद्वारा आसन्न संसदीय निर्वाचन २०७९ को लागि भण्डारीलाई सिन्धुपाल्चोक जिल्ला क्षेत्र नं १ बाट संघीय संसदको समानुपातिकबाट प्रतिनिधि सभा सदस्यको उम्मेदवार बनाउन सिफारिस गरिएको हो ।

भण्डारी लामो समयदेखि मेडिकल व्यवसायमा आवद्ध छन् । उनले वि सं २०६५ सालदेखि सिन्धुपाल्चोकमा अस्पताल बनाउनेदेखि त्यस क्षेत्रको पहिलो नर्सिंङ कलेज खोल्ने काम गरेका थिए । भुकम्प होस् वा कोरोना महामारी उनले आफनो क्षेत्रका बासिन्दाका लागि विभिन्न राहत प्याकेजका कार्यक्रम लैजानेदेखि विशेषज्ञसहितको निशुल्क स्वास्थ्य शिविरहरु गर्दै आएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।