कर्णाली स्वास्थ्य विज्ञान प्रतिष्ठानका चिकित्सकद्धारा सामूहिक राजीनामाको घोषणा
हेल्थ टिभी अनलाइन \काठमाडौं : जुम्लाको कर्णाली स्वास्थ्य विज्ञान प्रतिष्ठानका चिकित्सक तथा स्वास्थ्यकर्मीले सामूहिक राजीनामाको घोषणा गरेका छन्। उनीहरुले आफूहरुले शान्ति सुरक्षाको प्रत्याभुति गर्न नसकेको भन्दै सामूहिक राजीनामाको घोषणा गरेका हुन्। प्रतिष्ठानका उपकुलपति डा मंगल रावललाई पत्र लेख्दै राजीनामा घोषणा गरेका चिकित्सक तथा स्वास्थ्यकर्मीले स्थानीय प्रशासनलाई समेत बोधार्थ दिएका छन्।
गत भदौ २ गते अस्पतालमा ड्युटीमा रहेका डा करण साहमाथि प्रतिष्ठानकै कर्मचारीले कुटपिट गरेका थिए। उक्त घटनालाई बढाइचढाई गरी पिडित डा साहमाथि नै झुटा मुद्धा दायर गरी पक्राउ पुर्जी जारी गरेपछि उनीहरु आनदोलनमा उत्रिएका हुन्। उनीहरुले डा साहमाथि जारी पक्राउ पुर्जी तुरुन्त खारेज गर्नुपर्ने माग गरेका छन्। डा साहलाई कुट्ने कर्मचारीलाई प्रतिष्ठानले ४५ दिन निलम्बन गरेको छ ।
राजीनामा दिनेहरुले पिडक प्रहरीले नियन्त्रणमा लिएर अनुसन्धान गरिरहेकै बेला केही व्यक्तिहरुले बच्चाको बहाना बनाई असुरक्षित वातावरण बनाएको भन्दै यस्तो भयावह वातावरणमा सेवा दिन नसक्ने जनाएका छन् । उनीहरुले आकस्मिक बाहेकका सबै सेवा ठप्प पारेका छन् ।
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ
स्वास्थ्यकर्मीहरुलाई नसर्ने रोग नियन्त्रण सम्बन्धी तालिम