यी हुन् सुर्तीजन्य पदार्थको बट्टामा सबैभन्दा बढी चेतावनीमूलक चित्र छाप्ने १० देश
नेपाल तेस्रो नम्बरमा
हेल्थ टिभी अनलाइन \काठमाडौं : सुर्तीजन्य पदार्थको बट्टा, र्यापर्स, पार्सल, प्याकेजिङमा सबैभन्दा बढी चेतावनीमूलक चित्र छाप्ने देशमा टिमोर लिस्टे पहिलो नम्बरमा रहेको छ ।
टिमोर लिस्टेमा सुर्तीजन्य पदार्थको बट्टामा ९२ दशमलब ५ प्रतिशत चित्र छापिएको छ । यसैगरी दोस्रो नम्बरमा टर्की रहेको छ । टर्कीमा सुर्तीजन्य पदार्थको बट्टामा ९२ दशमलब ५ प्रतिशत चित्र छापिएको छ । यसैगरी मालदिभ्सले ९० प्रतिशत चेतावनीमूलक चित्र छापेर तेस्रो नम्बरमा आएको छ । त्यसो त नेपाल पनि ९० प्रतिशत चित्र छाप्ने देशमा गनिंदै तेस्रो नम्बरमा आएको छ ।
विडम्बनाको कुरा नेपाल विश्वमै सबैभन्दा ठूलो चेतावनीमूलक चित्र छाप्ने देशमा गनिएको मात्र हैन सोही उपलब्धीका आधारमा अन्तराष्ट्रिय अवार्ड समेत जितेको थियो । तर ९० प्रतिशत चित्र पूर्ण रुपमा कार्यान्वर्यन हुन नसक्दा नेपाल तेस्रो नम्बरमा झरेको हो । यसैगरी भनटु र बेनिन पनि ९० प्रतिशत चित्र छाप्ने देशमा पर्छन । न्युजिल्याण्डमा ८७ दशमलब ५ प्रतिशत चित्र छापिंदै आएको छ । त्यसपछि हङकङ र भारतमा भने ८५ प्रतिशत चित्र छापिने गरेका छन्। थाइल्यान्ड पनि ८५ प्रतिशत चित्र छाप्ने देशमा पर्छ । विभिन्न अध्ययनहरुले देखाए बमोजिम सुर्तीजन्य पदार्थको बट्टामा जति ठूलो चेतावनीमूलक चित्र छापिन्छ त्यति नै यसको सेवनकर्ता घट्छन् एवम सेवन गर्ने मात्रामा कमी आउने गर्छ । नेपालमा गरिएकाे अध्ययनले पनि साेही कुरा देखाएकाे छ ।
त्यसैले सुर्तीजन्य पदार्थ नियन्त्रण गर्नका लागि यो प्रावधान विश्वभर नै लागू गर्ने गरिन्छ । अहिले त यो भन्दा पनि अझै माथि उठेर धेरै देशहरु प्लेन प्याकेजिङतर्फ जान थालेका छन्। २१ देश अहिले प्लेन प्याकेजिङतर्फ गइसकेका छन्। प्लेन प्याकेजिङ भनेको चेतावनीमूलक चित्र छाप्ने प्रावधानको अन्तिम विन्दु हो ।
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ