हेल्थ टिभी अनलाइन \काठमाडौं : देशभर पछिल्लो २४ घण्टामा ३२४ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा ३ हजार ५१५ जनाको नमुना परीक्षण गरिएकोमा ३२४ जनामा कोरोना पुष्टि भएको हो । यसैगरी आज एक जना कोरोना संक्रमितको मृत्यु भएको मन्त्रालयले जनाएको छ । योसँगै देशभर कोरोना संक्रमणबाट ज्यान गुमाउनेको संख्या ११ हजार ९९९ पुगेको छ । यसैगरी सक्रिय संक्रमितको संख्या ३ हजार ९४३ रहेको छ ।

गत २४ घण्टामा १५ हजार ९३४ जनाले कोरोना विरुद्धको खोप लगाएको मन्त्रालयले जनाएको छ । काठमाडौं र ललितपुर जिल्ला अझै पनि कोरोनाको रेड जोनमा रहेका छन्। अहिले काठमाडौंमा २ हजार २ जना सक्रिय संक्रमित छन् भने ललितपुरमा ६०८ जना संक्रमित होम तथा संस्थागत आइसोलेसनमा रहेका छन्।

सरकारले ५ सय बढी सक्रिय संक्रमित हुने जिल्लालाई रेड जोनमा राख्ने मापदण्ड बनाएको छ ।