हेल्थ टिभी अनलाइन \काठमाडौं : चिकित्सकहरुको राष्ट्रिय परिचय पत्र नेपाल चिकित्सक संघको कार्यालयबाट बनाउन सकिने भएको छ । संघको पहलमा चिकित्सकहरुको राष्ट्रिय परिचय पत्र संघको केन्द्रीय कार्यालयमै बनाउन सकिने भएको हो ।

नेपाल चिकित्सक संघ केन्द्रीय कार्यालय काठमाडौंको अनुरोधमा राष्ट्रिय परिचय पत्र तथा पञ्जिकरण विभागले भाद्र ७ देखि १ महिनासम्मका लागि नेपाल चिकित्सक संघको केन्द्रीय कार्यालयमा राष्ट्रिय परिचय पत्र बनाउने सकिने बनाएको हो ।

राष्ट्रिय परिचय पत्र बनाउन चाहने चिकित्सकहरुले सक्कल कागजपत्रहरु सहित सोमबार विहान १० बजेदेखि शुक्रबार दिउँसो ४ बजेसम्म सम्पर्क गर्न भनिएको छ । शुक्रबारको हकमा भने विहान १० बजेदेखि दिउँसो १२ बजेसम्म तथा शनिबार विहान १० बजेदेखि दिउसो ३ बजेसम्म आइपुग्नु पर्ने संघले सूचना जारी गर्दै जनाएको छ ।

सरकारले हरेक नागरिकलाई राष्ट्रिय परिचय पत्र अनिवार्य बनाएको छ । त्यही अनुरुप अहिले परिचय पत्र बनाउने क्रम जारी छ ।