५ भदौ २०७९ , आइतवार

आजदेखि ५० जिल्लाका बालबालिकालाई फाइजर खोप लगाइँदै

हेल्थ टिभी अनलाइन \काठमाडौं : सरकारले आजबाट ५० जिल्लाका ५ देखि १२ वर्षमूनिका बालबालिकालाई कोभिड १९ विरुद्धको फाइजर खोप लगाउन थालेको छ।

यसअघि पहिलो चरणमा २७ जिल्लाका बालबालिकालाई यो खोप लगाइएको छ । दोस्रो चरणमा ५० जिल्लाका बालबालिकालाई आजबाट फाइजरको पहिलो मात्रा दिन लागिएको हो।

स्वास्थ्य मन्त्रालयका अनुसार यही भदौ २७ गतेदेखि असोज १ गतेसम्म फाइजर खोपको दोस्रो मात्रा दिइनेछ। यो खोप सुरक्षित भएका कारण आफ्ना बालबालिकाहरुलाई निर्धक्क भएर लगाउन मन्त्रालयले आग्रह समेत गरेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।