हेल्थ टिभी अनलाइन \काठमाडौं :  पछिल्लो समय कोरोना संक्रमणबाट मृत्यु हुनेमा ७५ प्रतिशतभन्दा बढी कोरोना विरुद्धको खोप नलगाएका रहेको पाइएको छ ।

स्वास्थ्य तथा जनसंख्या मन्त्रालयका अनुसार पछिल्ला केही दिन यता मृत्यु भएको संक्रमितहरुको अध्ययन गर्दा ७५ प्रतिशतभन्दा बढीले कोरोना विरुद्धको खोप नलगाएको पाइएको हो । मन्त्रालयले कोरोना विरुद्धको खोप लगाएका व्यक्तिको तुलनामा खोप नलगाएका व्यक्तिलाई कोरोना संक्रमण भएमा सिकिस्त बिरामी हुने र मृत्यु हुने सम्भावना १० गुणा बढी हुने भन्दै सबैलाई अनिवार्य कोरोना खोप लगाउन आग्रह गरेको छ ।

कोरोनाको जोखिम अहिले पनि कायम रहेकाले आवश्यकता अनुसार पहिलो मात्रा, दोस्रो मात्रा वा बुस्टर डोज खोप लगाएर कोरोना  संक्रमणबाट हुने जटिलताबाट बच्न मन्त्रालयले सर्वसाधारणलाई आग्रह गर्दै आएको छ । सरकारले अहिले पनि विभिन्न खोप केन्द्रबाट कोरोना विरुद्धको खोप अभियान जारी राखेको छ ।