२३ साउन २०७९ , सोमवार

नर्भिक अस्पतालको अवैध संरचना भत्काउन काठमाडौं महानगरको निर्देशन

२४ घण्टाभित्र अस्पतालले संरचना नभत्काए डोजर लगाएर भत्काइने

हेल्थ टिभी अनलाइन \काठमाडौं : काठमाडौंको थापाथलीमा रहेको नर्भिक अन्तर्राष्ट्रिय अस्पतालले बनाएको अवैध भवन तथा संरचना भत्काउन काठमाडौं महानगरपालिकाले २४ घण्टे अल्टिमेटम दिएको छ ।

नर्भिक अस्पतालले झण्डै डेढ रोपनी सरकारी जग्गा हडपेर अस्पतालको लागि संरचना बनाएको पाइएपछि महानगरले ती संरचना तुरुन्त हटाउन २४ घण्टाको समय दिएको हो । महनागरका मेयर बालेन्द्र शाह आफै नर्भिक अस्पताल पुगेर अवैध रुपमा बनाइएका संरचना तुरुन्त भत्काउन निर्देशन दिएका हुन् । उनले अस्पतालले २४ घण्टाभित्र संरचना नभत्काए महानगरले डोजर लगाएर भत्काउने समेत जनाएका छन्।

सस्तोमा अस्पतालमा पार्किङका लागि भाडामा लिएको सरकारी जग्गामा काठमाडौं महानगरपालिकाबाट नक्सापास नै नगरी आफूखुशी भवन बनाएपछि काठमाडौं महानगरपालिकाले सो संरचना भत्काउन निर्देशन दिएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।